ஆம்.. இன்னும் ஓரே நாள் தான்
உங்களின் ஓராண்டு நினைவு நாளுக்கு
போன வருடம் இதே நாளில்
உங்களின் கடைசி யாத்திரைக்காக
தயாராகிக் கொண்டிருந்தீர்கள்..
எங்களைப் பற்றி யோசித்திருப்பீர்கள்
எங்களை, நீங்கள் இல்லா வாழ்விற்காக
தயார் செய்துவிட்டதாய்
எண்ணியிருப்பீர்கள்
ஆனால் அம்மா
நீங்கள் இவ்வுலகை விட்டு
சென்ற நாள் முதல்
இன்று வரை உங்களின் நினைவில்
கண்ணீர் விடாத நாள் இல்லவே இல்லை
என் சுகமும் துக்கமும் இன்றுக்கூட
உங்களிடம் மட்டுமே பகிரப்படுகிறது..
நீங்கள் உடலளவில் எங்களோடு இல்லை
ஆனால் மனம் முழுவதும் உங்களின்
நினைவு மட்டுமே..
அம்மா..
முன்பெல்லாம் சாவு என்றால் பயமெனக்கு
ஆனால் இப்போது அந்த பயமில்லை
சொல்லப்போனால் சாவிற்காக காத்து நிற்கிறேன்
மீண்டும் உங்களை பார்ப்பேன் என்பதால்..
மிஸ் யூ அம்மா.. லவ் யு லாட்ட்ட்ட்ட்ட்
No comments:
Post a Comment